Бранителот на ФА купот, Манчестер сити, кој синоќа го елиминираше Шефилд вензди, во четвртфиналето ќе игра на гости против Њукасл и тоа ќе биде можеби и најинтересниот меч од таа четвртфинална фаза.
Ждрепката сакаше Лестер да го пречека Челзи во другото дерби. Овие тимови неодамна меѓу себе одиграа интересни 2-2 и тоа е добра најава. Норвич, кој го изненади Тотенхем и првпат по 1992 се најде во четвртфиналето, на свој терен ќе игра со Дерби каунти или Манчестер јунајтед, додека Арсенал, кој е рекордер со 13 титули во ова натпреварување, ќе игра на гости со Шефилд јунајтед.
Четвртфиналето во ФА купот се игра викендот на 21 и 22 март.
