Македонскиот репрезентативен голман Столе Димитриевски би можело да замине од Валенсија поради недоволната шанса за настап.
Според новинарот Матео Морето, за 30-годишниот чувар на мрежата сериозен интерес покажува турскиот гигант Фенербахче, кого Жозе Мурињо го гледа како можен наследник на Доминик Ливаковиќ.
Покрај клубот од Истанбул, за Димитриевски интерес имаат и францускиот Лил и италијанската Џенова. Голманот, кој е незадоволен од својата улога во Валенсија, наводно е отворен за трансфер бидејќи негов приоритет е редовната минутажа.
Димитриевски пристигна на „Местаља“ од Рајо Ваљекано, но засега не успеа да се наметне и да ја добие довербата на тренерскиот тим.
