Портланд трејлблејзерс ќе игра против Лос Анџелес лејкерс во плејоф серијата од првото коло во Западната коференција, откако вечерва во директен дуел го победија Мемфис гризлис со 126:122.
Се играше допонителен плејин меч меѓу осмопласираната и деветтата екипа на Западот, а Портланд стаса до посакуваната победа што го води во плејофот за титулата.
RIP CITY, WE MADE IT! pic.twitter.com/jcZliq1bRa
— Portland Trail Blazers (@trailblazers) August 15, 2020
Демиен Лилард повторно беше расположен и со 31 поен и 10 асистенции успешно го предводеше тимот со досега најважната победа сезонава.
Си-Џеј Мекалум со 29 поени потврди дека Трејлблејзерс го имаат еден од најдобрите напаѓачки бековски тандеми во Лигата, а блескаше и Јусуф Нуркиќ.
Репрезентативецот на БиХ пред мечот дозна дека му почина бабата од корона-вирус, но најде мотиви да одигра страшно добар меч проткаен со 22 поени, 21 скок и шест асистенции.
🥺🥺🥺❤️❤️❤️ pic.twitter.com/EqjXUYOwQh
— Portland Trail Blazers (@trailblazers) August 15, 2020
Мемфис не успеа како послаборангиран тим да се избори за нов меч и мајсторка што би одлучувала за последниот плејоф патник во Западната конференција.
На Гризлис им требаа две победи против Портланд, односно мораа да избегнат пораз вечерва и во евентуална мајсторка што беше предвидена за утре пак да победат за да играат против Лејкерс.
Не им помогна ниту импресивната партија на тандемот Морант – Валанчиунас кои заедно постигнаа 57 поени. Морант даде 31 кош со 8 асистенции, а Валанчиунас имаше 22 поени со 17 скока.
Дилон Брукс уфрли 20 поени, но експедицијата на Мемфис си заминува од Флорида каде се игра НБА лигата по рестартот на сезоната.
Двојки, прво коло плејоф:
Западна коференција – Лос Анџелес лејкерс – Портланд трејлблејзерс, Лос Анџелес клиперс – Далас маверикс, Денвер нагетс – Јута џез, Хјустон рокитс – Оклахома сити тандер.
Источна конференција – Милвоки бакс – Орландо меџик, Торонто репторс – Бруклин нетс, Бостон селтикс – Филаделфија 76, Индијана пејсерс – Мајами хит.
