Нејмар со микрофон во рака ја прослави титулата во Франција (Видео)

На четири кола до крајот од првенството во француското првенство, Пари Сен Жермен има 13 бода пред второпласираниот Олимпик Марсеј и веќе официјално е новиот првак на Франција.

ПСЖ во последното коло одигра 1:1 против Ленс, но и тоа беше доволно за Нејмар да организира забава за освоената титула. Во куќата на Бразилецот беа поканети неколку негови соиграчи, а Нејмар беше највесел.

Бразилецот, кој е познат како голем мераклија за пеење, во еден момент го зеде микрофонот и запеа, а играше и во ритамот на музиката.

Нејмар сезонава на 19 меча во француското првенство даде 11 погодоци, а имаше и пет асистенции. За ПСЖ ова беше јубилејна 10-та титула во француското првенство.

Иако ја освоија титулата во Франција, ПСЖ нема многу успешна сезона ако се знае дека клубот испадна уште во осминафиналето од Лигата на шампионите.

- Оглас -

Најнови вести