Еден од најпопуларните холивудски ѕвезди, Арнолд Шварценегер, на Кристијано Роналдо му го додели прекарот Терминатор поради своите достигнувања, но и поради тоа како изгледа во однос на другите фудбалери.
Поранешниот бодибилдер, кој стана популарен глумејќи го ликот на Терминатор во блокбастерот од минатиот век, смета дека и во фудбалот треба да има фудбалер со прекар Терминатор, како што има во НБА-лигата. Кавај Ленард е кошаркарскиот Терминатор бидејќи ги „убива“ противниците со својата ладнокрвност, а сега тој прекар ќе го дели со португалската гол-машина.
„Во НБА-лигата има играч кoго го нарекуваат Терминатор, не знам дали има и фудбалер кого така го нарекуваат, а треба. Тоа е Кристијано Роналдо. Треба почесто да го споменувате како Терминатор, па да почнат и другите така да го нарекуваат“, вели Шварценегер.
https://twitter.com/adams_peep/status/1188041169273536514
