Македонската ракометна репрезентација под раководство на селекторот Данило Брестовац го одржува првиот тренинг по пристигнувањето во Виена, каде што утревечер ќе води битка со Украина во првото коло на Европскиот шампионат. Капитенот Кирил Лазаров најпрвин работеше со кондицискиот тренер Баснарков, а потоа им се приклучи на колегите.
Ракометарите максимално сериозно му пристапија на тренингот и делува дека се мотивирани и подготвени за стартот на првенството.
