На навивачите на Брондби им здосади од постојаните шпекулации за нов инвеститор во клубот што би ги покрил долговите на 10-кратниот дански првак, па имаат оригинална идеја како самите да го купат.
Се организираа во голема акција и вечерва со нетрпение ја очекуваат европската лотарија што носи главна премија од околу 60 милиони евра.
Познати како многу лојални на својот омилен клуб и со оригинални идеи и акции на фудбалската тифо-сцена, симпатизерите на Брондби кај себе имаат 135 талони за Лото извлекувањето на Евролотаријата и се надеваат дека ќе имаат среќа за потоа да ги вложат сите пари во купување акции во клубот и да успеат да станат главни акционери.
Досега имаше неколку обиди за спас на клубот со огромна традиција во Данска и во скандинавскиот фудбал, а последно што се најавува е дека Ред Бул би можел да го вклучи Брондби во трилингот клубови што би ги поседувал, заедно со австрискиот Салцбург и германскиот Лајпциг.
Брондби има долгови, што се одрази и на резултатите во новиот милениум. Последната титула ја освоија во сезоната 2004/05, па оттогаш со девет освоени круни во данскиот шампионат на вечната листа ги престигна ФК Копенхаген, екипа која има вкупно 13 титули, три повеќе од Брондби. Рекордер е Копенхаген Болдклуб, или попознат само како КБ со 15 шампионски круни.
