Лери Дру ќе го предводи тимот на Кливленд кавалирс до крајот на сезоната, откако управата на франшизата од Охајо одлучи да му даде шанса. Дру и официјално стана наследник на Тајрон Лу, кој заедно со неговата десна рака пред извесно време добија отказ.
По катастрофалниот почеток на сезоната, Дру е човекот кој придонесе за Кливленд да ја запише првата победа, но и натаму нивниот учинок е ужасен, поточно 1-9. Тој доби договор според кој е назначен за привремено решение до крајот на сезоната, но може да се задржи уште една година, во зависност од резултатите кои ќе ги оствари тимот.
Кавалирс значително се ослабени оваа сезона откако им замина првата ѕвезда Леброн Џејмс, кој кариера ја продолжи во Градот на Ангелите, во дресот на Лејкерси.
