Евертон плати 22 милиони фунти за да го ангажира Хамес Родригес, играч кој настапуваше за Баерн Минхен како позајмен од Реал Мадрид.
Договорот со популарните Карамели од Ливерпул е со важност од две години, со можност потоа да биде продолжен за уште 12 месеци.
Родригес во последните две сезони играше за Баерн Минхен, но Баварците одлучија дека не им е потребен и не го откупија неговиот договор од Реал Мадрид.
Ниту кралскиот клуб од Шпанија го немаше Колумбиецот во плановите за во иднина и лесно се договори со Евертон да му го продаде 29-годишниот фудбалер.
За ангажман на Родригес најмногу инсистираше тренерот на Евертон, Карло Анчелоти, кој му беше тренер на колумбискиот репрезентативец две сезони во Реал Мадрид.