Германскиот второлигаш Гројтер Фирт приреди несекојдневно фудбалско шоу во дополнителното време од 30 минути во меч од стартното коло во германскиот куп и со пет гола за 20 минути го декласираше нисколигашот Мајнерцхаген со 6:1.
Гостите беа апсолутни фаворити, но во регуларниот дел од 90 минути, плус судиско продолжение бе го оправдаа епитетот, а дури и се спасија од пораз.
Мајнерцхаген поведе со голот на Вурм во 50. минута и најави сензација, бидејќи разликата меѓу двата тима е неколку рангови на натпреварување, а домаќините се и аматери.
Сепак Гројтер избегна елиминација во регуларниот дел со погодокот на Ернст во 72. минута, а потоа гостите експлодираа и во продолженијата од двапати по 15 минути ја наполнија до врв мрежата на домаќинот.
Грин погоди во 98. минута, а потоа Мајерхофер и Абијама погодија по двапати за убедлива победа од 1:6 на второлигашот од Фирт.
Во останатите мечеви од првата рунда во популарниот ДФБ покал немаше поголеми изненадувања, а вкупно шест прволигашки екипи ја минаа првата пречка.
