Саботата беше среќен ден за еден прогнозер кој уплатил тикет во Sport Life во скопско Радишани. Играчот без проблем погоди два типа со огромни квоти над 10, и тоа со уплатата од 510 денари, му донесе добивка од 67.320 денари.
Иако според висината на коефициентите делува дека е малку веројатно да паднат по три гола за домашните тимови, овој прогнозер вложи 510 денари и тоа му се исплатеше многукратно, за добивка од над 1.000 евра. На тикетот се два меча од лигите од северот на Европа. Првиот е дека Тромсо ќе даде три гола против Асане (квота 11) во второлигашка конкуренција во Норвешка, а другиот е од првата лига во Шведска и се чекаа три погодоци на Хакен во мрежата на Фалкенбергс.
Не само што домашните екипи даваа по три гола, туку тоа го направија уште по првите 45 минути. Тромсо славеше со 5-4 во меч на кој во првото полувреме даде четири гола, а Хакен до 36-тата минута имаше 3-0, резултат со кој и заврши нивниот меч.
РОБЕРТ ЛЕВАНДОВСКИ ДОНЕСЕ РАДОСТ КАЈ СВЕТИНИКОЛЧАНЕЦ
Слично сценарио се случуваше и во Свети Николе во неделата. Прогнозерот уплати 700 денари на тикет со два меча на кои типуваше на 7+ голови. Едната средба беше Баерн – Херта, за која е награден во квота 7.90, а другата е Аталанта – Калјари, за која коефициентот дека ќе паднат седум погодоци беше 9.75.
Баерн со четирите гола на Роберт Левандовски ја победи Херта со 4-3. Прогнозерот имаше и многу среќа бидејќи на полувреме беше само 1-0, но во вториот дел паднаа шест гола, од кои последниот во 93-тата минута од пенал, кој го реализираше Полјакот Левандовски. До 85-тата минута имаше четири гола, а во финишот паднаа уште три за голема радост во Свети Николе и добивка од 53.918 денари.
И на мечот Аталанта – Калјари паднаа точно седум гола. Во Бергамо, во првото полувреме беа постигнати дури пет голови, шестиот во 52-рата минута, но за седмиот се чекаше до 81-вата, кога Ламерс од Аталанта погоди за 5-2.
