„Франс фудбал“ ги објави номинациите за избор на фудбалскиот дрим-тим на сите времиња, а со еден потег си направи проблем и е предмет на потсмев на социјалните мрежи.
Новинарите на „Франс фудбал“ го вметнаа Самуел Ето во категоријата десни крила, иако тој играше како шпиц и направи брилијантна кариера како напаѓач, играјќи за познати клубови, меѓу кои се и гигантите Реал Мадрид, Барселона и Интер.
Најдобриот камерунски фудбалер на сите времиња веднаш реагираше со објава на „Твитер“.
„Ви благодарам, но номинацијата е знак за отсуство на респект кон мене. Играв една-две сезони на почетокот на кариерата како десно крило и потоа 25 години исклучиво како шпиц. Сеедно ми е ‘Франс фудбал’“, објави Ето.
Merci,
Mais j’ai joué 1,2 saisons sur la droite (pourtant j’ai 25ans de carrière comme avant centre)
Le manque de Respect.@francefootball N’IMPORTE QUOI! pic.twitter.com/2vmb0uuhIl— Samuel Eto'o (@SamuelEtoo) October 19, 2020
Камерунецот има освоено безброј трофеи во кариерата, која беше блескава, има и еден куп индивидуални признанија што ги заслужи исклучиво како централен напаѓач, а не како десно крило.
