Горан Пандев на најдобар можен начин го исполни сонот да ја однесе Македонија на Европско фудбалско првенство. Гранде Пандев го даде единствениот гол на дуелот против Грузија во Тбилиси, а тоа значеше и пласман на Македонија на континенталниот фудбалски собир.
По мечот, Пандев клекна на тревата и од среќа заплака, а потоа кратко ни изјави: „Пресреќен сум конечно ми се исполни сонот“.
