Светската фудбалска федерација (ФИФА) сепак одлучи да се игра традиционалниот турнир на континенталните клупски шампиони. Популарното Светско клупско првенство кое најчесто се играше во декември, овојпат ќе се игра во февруари 2021 година.
Првично турнирот беше одложен поради пандемијата со корона-вирусот, но сега сепак е одреден датум за натпреварите. Катар ќе остане да биде домаќин, а турнирот ќе се игра во периодот од 1 до 11 февруари 2021 година.
The 2020 FIFA Club World Cup will now be played February 1-11 2021, still in Qatar.
Bayern Munich there as European champs.
— Rob Harris (@RobHarris) November 17, 2020
Баерн Минхен ќе биде претставникот на Европа, што значи дека баварскиот гигант ќе има шанса за уште еден голем трофеј во периодот кога доминира во сите натпреварувања на кои беше дел.
Ова ќе биде и последно Светско клупско првенство во стандардниот формат затоа што планот за од следната сезона е да се направи турнир на кој ќе учествуваат вкупно 24 екипи од целиот свет, а домаќин ќе биде Кина.
