Со фотографијата која ја објави на Инстаграм, на која лежи во болнички кревет, со маска за кислород, аргентинскиот фудбалер Мауро Икарди, загрижи и исплаши многу навивачи на неговиот клуб Пари Сен Жермен.
Икарди не е ставен на списокот на играчи за мечот со Дижон, и после ова со маската, затоа многумина се запрашаа што се случува со Мауро. На социјалните мрежи брзо се рашири вест дека тој има коронавирус.
Но, вистината е поинаква. Икарди нема да игра против Дижон поради стомачни проблеми, а тоа што добиваше кислород не е затоа што е заразен од Ковид-19, туку бидејќи тоа е добар метод за намалување на насобраниот замор после напорите. Иста ваква постапка користеше и Нејмар пред финалето на ЛШ против Баерн минатата година.
И сопругата на Икарди, Ванда, потврди дека Мауро е добар, и сподели нивна заедничка фотографија од вечерата.
