Некогашниот репрезентативец на Србија, Немања Матиќ реши да се пошегува на сметка на неговиот клупски колега од Манчестер јунајтед, Бруно Фернандеш. Матиќ реши да му остави порака на Фернандеш и тоа на орманчето од соблекувалната на „Олд Трафорд“.
Србинот залепи фотографија од спорната ситуација на дуелот во Белград, кога Португалија беше оштетена и не беше признат чист погодок на Роналдо, а и Фернандеш беше лут поради одземената можност да освојат три бода на тешкото гостување.
„Точно на линија. Дали е сега доволно јасно?“, беше пораката од Матиќ за Фернандеш и Роналдо. Србија денеска гостува кај Азербејџан во меч од квалификациите за СП 2022, а и Португалија ќе игра на туѓ терен, односно на гости кај Луксембург.
