Барселона загуби во Ел Класико од Реал Мадрид со 1:2, а тренерот на каталонците, Роналд Куман беше најмногу разочаран од судиите. Според Куман, арбитрите не досудиле чист пенал за Барселона во 84 минута кога беше фаулиран Мартин Брејтвајт.
„Според мене имаше чист пенал и сите тоа го видоа. Мартин беше фаулиран, а ако судијата не го виде тоа, тука е ВАР системот за такви ситуации. Подобро е повеќе да не зборувам. Ментално бевме подготвени и заслуживме да добиеме пенал во таа ситуација. Секако дека сме лути. Ова не е фер и не знам зошто е тоа така“, рече Куман по поразот во Мадрид.
Барселона остана на 65 бода и сега има еден помалку од Реал Мадрид и Атлетико Мадрид кои се на делба на првото место со по 66 бодови.
