Русија победнички стартуваше на Европското ракометно првенство за жени кое вечерва започна во Франција. Во мечот со којшто започна шампионатот, „Зборнаја“ го победи домаќинот Франција со 26:23. „Галските петли“ ја имаа поддршката од навивачите кои ја исполнија салата, но тоа не ги уплаши руските ракометарки.
Во првото полувреме се водеше израмнета борба и беше 11:11 по 30 минути игра, а во вториот дел Франција имаше два гола предност, 16:14, но потоа Русинките се разиграа и за многу брзо време го свртеа резултатот во своја корист (23:20) и до крајот на средбата не дозволија да ја испуштат предноста.
Утре се играат три меча од ЕП: Србија – Полска, Црна Гора – Словенија и Данска – Шведска.
