Џани Алиоски продолжи со своите лудории и само потврди дека атмосферата во македонскиот табор во Букурешт е одлична само на три дена пред дебитантскиот настап на Европското првенство.
Елиф Елмас и Дарко Чурлинов се нашите диџеи во Букурешт, а за неочекувани ситуации и моменти се грижи Алиоски.
На денешниот тренинг во главниот град на Романија, Алиоски се обиде и како полицаец, а фотографијата што е објавена во возилото на романската жандармерија е хит на социјалните мрежи.
Џани сè уште не знае каде ќе настапува идната сезона, навивачите на Лидс очекуваат да го продолжи престојот во нивниот клуб бидејќи им е еден од омилените играчи, а тој веќе потпиша привремен договор за ЕП со романската жандармерија.
Gjanni Alioski.#LUFC pic.twitter.com/jfm3sywy6b
— LUFC Photos (@LUFC_Photos_) June 10, 2021
Македонија ќе го почне настапот на ЕП на 13 јуни против Австрија од 18 часот на Националната арена во Букурешт, потоа на истото место на 17 јуни од 15 часот ќе играме со Украина, па следува преселба во Амстердам и меч со Холандија на 21 јуни од 18 часот.
