Феникс санс победи со 116:102 на гостувањето кај Денвер нагетс и сега е на чекор од пласман во финалето на западната конференција во НБА лигата. Сонцата водат со 3:0, што значи дека им е потребен само уште еден триумф за да го елиминираат и овој противник.
Уште од стартот, гостите покажаа дека се подобри и дека се дојдени да победат. Поведоа со 16:6, а предноста од 10 поени ја задржаа и по првата четвртина беше 37:27. Во продолжение на мечот, Денвер џабе се обидуваше да го достигне водството на противникот, кое во последната четвртина ниту еднаш не беше помало од 13 поени предност за Феникс.
И покрај поразот на неговиот тим, Никола Јокиќ беше најдобар на теренот. Србинот кој неодамна беше прогласен за МВП на сезоната, имаше неверојатен меч и заврши со 32 поени, 20 скока и 10 асистенции. Јокиќ е само трет кошаркар во историјата на плејофот на НБА лигата што завршува со ваков учинок од 30+ поени, 20+ скока и 10+ асистенции. Пред него тоа им успеало само на легендарнит Карим Абдул Џабар и Вилт Чемберлен.
Во вториот меч одигран утрово, Филаделфија со 127:111 славеше на гости кај Атланта и поведе со 2:1 во серијата.
Nikola Jokic gave it his all.
32 PTS
20 REB
10 ASTHe joins Kareem Abdul-Jabbar and Wilt Chamberlain as the only players in NBA history with a 30/20/10 playoff game. pic.twitter.com/e2bSnolFOj
— StatMuse (@statmuse) June 12, 2021