Милвоки бакс е противникот на Феникс санс во големото НБА финале, кое ќе започне на 7 јули во 3 часот наутро по македонско време. Милвоки успеа да направи нешто што навивачите на овој тим го чекаа од 1974 година, се пласираше во големото финале и ќе игра за вредниот трофеј.
Бакси ноќеска се израдуваа на трофејот наменет за најдобрата екипа на Истокот, откако со 118:107 на гости триумфираа против Атланта и со вкупни 4:2 во победи стигнаа до финалето. Гостите уште од стартот покажаа дека се дојдени да победат и стартуваа со 7:0, а потоа имаа и двоцифрена предност од 15:4. Водството на Милвоки константно беше меѓу три и 10 разлика, а Атланта најблиску стигна на стартото од третата четвртина, кога намали на 45:47.
Тоа како да ги налути гостите, кои иако играа без првата ѕвезда Јанис Адетокумбо, покажаа шампионска игра. со серија од 13:0, прво стигнаа до 60:45, а пред крајот на третиот квартал имаа и највисоки 89:70. Тогаш беше јасно дека Милвоки ќе победи и ќе игра во големото финале, кое го чека речиси половина век.
Победата на Милвоки предизвика делириум кај навивачите кои излегоа на улиците да го прослават големиот успех.
Keep the celebration going!!
Meet the team TODAY at 1:30am/ct at Signature Flight Support (923 E Layton Ave)!! pic.twitter.com/WX5EZNdwtD
— Milwaukee Bucks (@Bucks) July 4, 2021
