Дијамантската лига која вечерва се одржа во Монако ќе се памти по неверојатниот превид што го направи организаторот. Скандалот се случи на трката на 3.000 метри со препреки, а „настрада“ кенискиот атлетичар Бенџамин Киген.
Кениецот имаше одлична трка и беше во водство, но организаторите направија превид, откако со ѕвончето предвреме беше означено дека трката влегува во последниот круг. Киген тргна да финишира, а во моментите кога мислеше дека победил, уште еднаш го слушна ѕвончето за последен круг, а организаторите му сугерираа дека всушност во тој момент треба да започне последниот круг.
Истоштениот Киген немаше шанси да продолжи во ист ритам и на крајот, наместо како победник, заврши дури на седмото место во оваа трка. Победник беше уште еден Кенијец, Абрахам Кибивот со време од 8:07.81 минути.
Monaco 2021 – officials rung the bell a lap early in the 3,000m SC, wrecking Benjamin Kigen’s race.
“It’s a disgrace… counting laps is the simplest job.” pic.twitter.com/hIcHY8GU56
— Alex Cyr (@Cyresy_10) July 9, 2021
