Флорентино Перес сензационално распука со негативен коментар за двете големи ѕвезди на Реал Мадрид, Раул Гонзалес и Икер Касилјас, нарекувајќи ги „најголемото ѓубре“ на Реал Мадрид.
Актуелниот претседател на Кралскиот клуб во интервју за „Ел Конфиденсијал“ особено грубо се нафрли врз Раул и го обвини дека тој е главната причина за неговото заминување во 2006 година.
„Тој ја растури атмосферата во Реал Мадрид, а и Касилјас не е ништо подобар. Тие се најголемото ѓубре во историјата на клубот“, остар беше Перес.
Florentino Pérez considera que dos de las mayores leyendas de la institución que dirige son una “estafa”. Así tacha a sus excapitanes en conversaciones facilitadas a este periódico: "Raúl y Casillas son las dos grandes estafas del Madrid" https://t.co/ribfspAUiV
— El Confidencial (@elconfidencial) July 13, 2021
Раул Гонзалес е играчот со најмногу настапи во историјата на 13-кратниот европски првак со одиграни 741 натпревар за Кралскиот клуб. Веднаш зад него е Касилјас, кој го бранеше голот на Реал Мадрид на 725 меча, а и двајцата се меѓу најважните фудбалери во богатата историја на гигантот.
Раул е и втор најдобар стрелец во клупската историја со вкупно 323 погодоци, само зад Кристијано Роналдо со 450 гола за Реал Мадрид.
Интереесно е што и во моментов Гонзалес е во клубот со кој раководи Перес како тренер на тимот на Реал Мадрид за играчи до 19 години.
