Антонио Рудигер за момент се претвори во Лионел Меси на вчерашниот натпревар меѓу Челзи и Зенит и малку недостасуваше да го постигне голот на кариерата.
Дефанзивецот ја зеде топката во свои нозе на својата половина од теренот, со брз трк пристигна до противничкиот шеснаесетник, каде што издрибла неколку фудбалери, но, за негова несреќа, не успеа да постигне гол. Токму ваквите продори се карактеристични за Меси, кој сепак шутира многу попрецизно и подобро од Рудигер.
