Кошаркарите на поранешниот европски првак Фенербахче се посрамотија вечерва на свој терен во Истанбул и загубија катастрофално со 68:43 од Армани Милано, а притоа во две четвртини не успеаа да постигнат двоцифрен број на поени.
Фенер почна катастрофално и постигна само 3 поени за 10 минути во првата четвртина, што ја загубија со 3:22. Ваков лош ефект во една четвртина не се памети на мечеви од елитна лига, каква што е Евролигата.
Во вториот период домаќините одиграа подобро и го добија со 17:15, а потоа повторно одиграа катастрофално и пак постигнаа само едноцифрен број на поени, 9 во третиот период.
И таа четвртина ја загубија, со 9:25, па дебаклот беше неизбежен. И гостите во финишот играа во стилот на Фенер, па постигнаа само шест поени во последната четвртина, но сепак победија со 25 поени разлика.
It's all going the way of @OlimpiaMI1936 @SirHines throws down the alley-oop!#7DAYSMagicMoment pic.twitter.com/cuXWB8bMjQ
— Turkish Airlines EuroLeague (@EuroLeague) November 12, 2021
Уште еден од куриозитетите на овој меч е што двете екипи заедно, во дури три четвртини постигнуваа едноцифрен број на поени, Фенер двапати, 3 и 9 и Армани Милано, еднаш и тоа само шест во последната четвртина.
Претходно во меч од деветтото коло Зенит го победи Олимпијакос со 84:78.
