Роберт Левандовски не ја доби Златната топка, но тоа воопшто не ја разниша самодовербата на Кралот на стрелците во Европа и со два гола денеска, Полјакот му донесе победа на Баерн против Борусија Дортмунд.
Популарниот „Дер Класикер“ во Германија донесе извонреден фудбал со пет гола, а шампионот славеше со 3:2 во Дортмунд.
Мечот почна одлично за Борусија и Милионерите поведоа во раната фаза со голот на Јулијан Брант во петтата минута.
Баерн израмни во деветтата минута со првиот од двата гола на Роберт Левандовски.
https://twitter.com/ElitxCR7/status/1467187857596899333?s=20
Шампионот направи комплетен пресврт во првото полувреме и поведе со 2:1 на култниот „Вестфален“ со погодокот на Кингсли Коман во 44. минута.
GOAL: 44' Dortmund 1-2 Bayern (Kingsley Coman)#BVBFCB #Bundesliga
Follow for more goals @ronaldmorgan_ pic.twitter.com/5oFU8GnpzM
— Ronald Morgan (@ronaldmorgan_) December 4, 2021
Ерлинг Халанд се врати по паузата поради повреда со голови, во негов стил и на вториот меч што го играше откако се врати на терен, го постигна и вториот гол. Вечерва беше прецизен во 48. минута за 2:2 со што се вратија надежите на Борусија за победа против првакот Баерн.
What a goal from Haaland which ties the game against Bayern pic.twitter.com/nOgdgP9auF
— ً (@Case14i) December 4, 2021
Сепак последниот збор на дербито во Бундеслигата го имаше најдобриот стрелец и оваа сезона во германското првенство.
Левандовски со 16-от гол, постигнат од пенал во 77. минута му донесе победа на гостинот од Минхен.
Баерн е лидер со 34 бода по 14 кола, а Борусија е втора со 30 бода.
Во ист термин од 18.30 часот во Англија, шампионот Манчестер сити се врати на врвот во Премиерлигата со победа од 3:1 против Ватфорд, а во Ла Лига првакот на Шпанија, Атлетико Мадрид беше изненаден и поразен од Мајорка со 1:2.
