Златан Ибрахимовиќ пред три месеци наполни 40 години, но уште е во одлична форма и игра со фудбалери кои се и двојно помлади од него. Шведскиот голгетер е еден од најдобрите во Милан, но сепак кога се работи за изведување на пенали, можеби и нема полош од Златан.
Ибра како да заборавил како се погодува од пенал, а тоа се потврди и синоќа на дуелот против Рома. Во 94 минута беше досуден пенал за Милан, Ибрахимовиќ шутираше, но голманот на Рома одбрани. Тоа е петти промашен пенал од последните седум удари од белата точка за Ибра, што преставува само 28 отсто успешна реализација.
#Ibrahimovic ha sbagliato 5 rigori sugli ultimi 7 tentati.
Un incredibile 28% di realizzazione… pic.twitter.com/E8PliTkKOC— Chiamarsi Bomber (@ChiamarsiBomber) January 7, 2022
По последниот промашен пенал против Рома, Ибрахимовиќ разочарано почна самиот да се удира со рацете по лицето. Едноставно ни самиот не може да верува дека толку му е проблем да погоди од 11 метри.
Промашениот пенал и реакцијата на Ибрахимовиќ е на 2:50 минути од видеото.