Лука Дончиќ забележа нов трипл-дабл во кариерата во победата на неговиот тим Далас над Чикаго булс од 113:99.
Словенечкиот кошаркар имаше учинок од 22 коша, 14 скокови и исто толку асистенции, со што го подобри рекордот за најголем број трипл-даблови во НБА за играч кој е под 23 години.
Сепак, утринава во центарот на НБА беше Клеј Томпсон, кој по речиси две години се врати на паркетот и го облече дресот на Голден стејт ворирос.
Тој постигна 17 поени во триумфот на својот тим над Кливленд кавалирс од 96:82, и тоа за само 19 минути минати на теренот.
Најефикасен на средбата беше Стеф Кари со 28 постигнати поени.
НБА
Орландо меџик – Вашингтон визардс 100:102
Торонто репторс – Њу Орленс пеликанс 105:101
Хјустон рокетс – Минесота тимбервулфс 123:141
Оклахома сити тандер – Денвер нагетс 95:99
Далас маверикс – Чикаго булс 113:99
Голден стејт ворирорс – Кливленд кавалирс 96:82
Портланд трејлблејзерс – Сакраменто кингс 103:88
Лос Анџелес лејкерс – Мемфис гризлис 119:127
