Славе и Самир се најдобри прогнозери есенва

Славе Ѓинковски и Самир Ковачи со по 66 погодоци се лидери на вечната листа на нашата Спортска прогноза, од која поминаа 10 кола. Полусезоната е завршена, продолжуваме на 15-ти јануари, а Славе и Самир, кои се редовни прогнозери и играа во сите десет кола, имаат погодено вкупно 66 фикса и засега се најуспешни според збирот на погодоци. Просекот од 6,6 не носи ваучер, но може да им послужи како мотивација за наредната година. Според просекот, Дамјан Савески е прв со 63 погодоци од осум кола.

Статистиката покажува дека 1.430 различни прогнозери се обиделе да погодат што повеќе, некои од нив се редовни, други играле повремено, трети само во едно коло.

Во десетте кола имаше 5.294 прогнози, веруваме дека во наредниот период оваа бројка само ќе расте и листата на потенцијални добитници на награди само ќе се зголемува.

Главната награда, телефонот „самсунг А6“ никој го нема добиено, досега никој не ги погодил сите 12 парови во некое коло, иако имаше 7 играчи со погодени 11 парови. Тие добија ваучери од SPORT LIFE од по 1.000 денари. Доделени се и 51 ваучер во вредност од 500 денари за погодени десет пара, а имаше и 179 деветки, за кои наградите се по 200 денари.

Ви посакуваме Среќна Нова година, успех во прогнозирањето и чекајте да ги видите новините и изненадувањето кое следи од 15-ти јануари.

Ова е листата од генералниот пласман според збирот на погодени парови: