Екипата на ТФТ го победи МЗТ Скопје со 73:69 во првото коло од плејофот во првата македонска кошаркарска лига. Тимот од Тафталиџе му нанесе уште еден пораз на актуелниот првак, којшто по пласманот во АБА 1 лигата сега се враќа на домашните активности.
Иако првото полувреме му припадна на тимот од Аеродром (34:40), во вториот дел домаќините го кренаа нивото на одбрана и дојдоа до победата.
Со ова тие дојдоа до 37-миот бод, додека Металците имаат 42 бода по 23 одиграни натпревари, односно два помалку од лидерот Пелистер.
