Јувентус веќе се договорил со Сергеј Милинковиќ-Савиќ и треба да потпише петгодишен договор, со кој српскиот репрезентативец ќе има годишна плата од 4 милиони евра, а сега останува само договор со Лацио.
Лацијалите имаат договор со популарниот СМС до 2024 година и се најавува дека ќе бараат отштета од околу 70 милиони евра за извонредниот играч од средниот ред.
Juventus and Milinković-Savić already has an agreement in principle for the salary, €4M per season for 5 years. Juve just need to find an agreement with Lazio.
(@FabDellaValle / @Gazzetta_it)
— JuveFC (@juvefcdotcom) May 3, 2022
Милинковиќ-Савиќ веќе неколку сезони по ред блеска во дресот на Лацио и е еден од најдобрите играчи во Серија А, а годинава е втор во Лигата според бројот на асистенции.
Ги има точно 11, а пред него е само Доменико Берарди од Саусоло со 12 прецизни пасови за гол.
Српскиот репрезентативец постигна и 10 гола досега и е единствениот играч за врска со дабл-дабл учинок во италијанското првенство.
Италијанските медиуми објавија дека има понуди и од Манчестер јунајтед и од ПСЖ, но Јувентус најде рецепт за СМС, па сега останува само да се договорат со Лацио за трансфер на 27-годишниот фудбалер.
Јувентус го купи Душан Влаховиќ во зимскиот преоден рок и ако успее да го ангажира, и Милинковиќ-Савиќ би имал извонреден српски тандем во составот.
