ЕВЕ баскетс Олденбург со добра игра во второто полувреме, славеше на гостувањето кај Мителдојчер со 89:74, и за тимот на македонскиот репрезентативен капитен Војдан Стојановски, ова е седми триумф по ред.
Војдан за 22 минути игра, имаше придонес од 7 поени, 4 скока и 4 асистенции.
Олденбург се наоѓа на втората позиција на табелата во Бундеслигата, има скор 12-2, а поразите им беа на 3 и 11 ноември, од кои едниот од непоразениот Баерн Минхен.
Во следното коло, на 13 јануари Олденбург игра дома со Алба Берлин која е трета на табелата. Алба е поранешен клуб на Стојановски, тој го носеше нивниот дрес од 2013 до 2015 година.
