Севилја и Атлетико Мадрид се клубовите кои најчесто играле нерешено меѓусебе во шпанската лига (48 пати), а денешниот резултатот од 1:1 помеѓу нив, тие го оствариле во дури 26 пресметки, што истотака е рекорд во Шпанија.
Двата тима освоија по еден бод, и ова е резултат кој со задоволство го прифаќаат во Барселона. Лидерот вечерва има прилика со победа кај Хетафе да побегне на пет бода во однос на Атлетико, и седум пред третата Севилја.
Головите паднаа во последните осум минути од првото полувреме. Најпрвин Севилја дојде во водство. За стрелецот Висам Бен Једер, погодокот против Атлетико е негов прв против овој ривал, а вкупно деветти гол сезонава во шпанската лига за Французинот.
Антоан Гриезман израмни од слободен удар. Тој во четири кола по ред дава гол, а има низа и од четири меча против Севилја во кои ја тресе противничката мрежа. Погледнете ја мајсторијата на Гриезман:
https://www.youtube.com/watch?v=2VOF5Q7bY08
