Една од најатрактивните спортистки, Хоуп Соло, сега веќе ексрепрезентативка на САД во фудбал, ќе мора да одлежи 30 дена во затвор откако била најдена пијана во својот автомобил на паркинг, а моторот работел и внатре биле нејзините две деца близнаци на возраст од две години.
Полициска патрола ја нашла 40-годишната Соло на паркинг во Винстон-Салем во Северна Каролина.
За среќа, за децата нема никакви последици од шокантниот чин на нивната мајка, која е тројна олимписка шампионка со САД и еднаш беше и светска првенка, а ја сметаа за една од најатрктивните спортистки.
Судот и одреди затворска казна од 30 дена и парична глоба од 2.500 долари и плус 600 долари за дополнителни трошоци.
