Горан Пандев има големо искуство со италијанскиот фудбал, а деновиве имаше интервју за познатиот весник „Газета дело спорт“.
Прославениот македонски фудбалер којшто играше за Анкона, Лацио, Интер, Наполи, Џенова и Парма го даде своето видување за оваа сезона во најелитната лига на Апенините.
„Ова е можеби најбалансираната Серија А во последните години, а еве, за споредба погледнете ги римските тимови Рома и Лацио, коишто се навистина силни.
Интер предводен од Инѕаги има навистина силен тим и со доаѓањето на Лукаку, изгледа моќно. Се надевам дека ќе ја завршат работата што не успеаја да ја завршат минатата сезона“, изјави Гоче.
Коефициентот за Интер да биде првак на Италија во Sport Life изнесува 3.85.
