Најдоброрангираниот македонски тенисер Калин Ивановски загуби на стартот од турнирот во Монастир, Тунис, од домашниот играч Скандер Мансури.
Мансури е рангиран како прв носител и игра пред своја публика на ИТФ турнирот со награден фонд од 15 илјади долари и ја искористи шансата за победа од 2:0.
Првиот сет Тунижанецот го доби со 6:3, а потоа пак беше поуспешен, овојпат со 6:4 за пласман во второто коло на турнирот на кој е топ-фаворит.
Ивановски остана без настап во второто коло, а во Тунис играше по солидниот настап во Мадрид, каде што играше на ист тип на турнир, со награден фонд од 15 илјади долари и се проби до четвртфиналето.
