Аљехндро Балде е последниот патник на шпанската фудбалска репрезентација за Катар и ќе биде во составот за Мундијалот, како замен за повредениот Хозе Гаја.
Играчот на Валенсија се повреди вчера на последниот тест дуел на Шпанија пред стартот на Светското првенство, во победата од 3:1 против Јордан и нема да игра на шампионатот.
Гаја го повреди скочниот зглоб и ќе мора да паузира, па на негово место во Катар отпатува 19-годишниот Балде од Барселона.
🚨 OFICIAL | Alejandro Balde se incorporará a la @SEFutbol como sustituto de José Luis Gayà.
El futbolista, que estaba concentrado con la Sub-21, se unirá a la expedición española en Doha.
ℹ️ https://t.co/F83HSSHc5C #VamosEspaña | #Catar2022 pic.twitter.com/vWTpucS32A
— Selección Española Masculina de Fútbol (@SEFutbol) November 18, 2022
Луис Енрике одлучи тој да биде замена за Гаја, а интересно е дека Балде нема ниту еден меч за А селекцијата на Шпанија, па ќе има можност да дебитира на Мундијалот во Катар.
Шпанија е во група со Костарика, Германија и Јапонија во првата фаза од Мундијалот.
