Нов дебакл доживеа 17-кратниот НБА-првак Лос Анџелес лејкерс и загуби со 26 поени разлика, 130:104 на гостувањето кај Феникс.
Тимот што е рекoрдер заедно со Бостон селтикс според бројот на титули во НБА-лигата уште еднаш покажа дека е само просечен тим без двете големи ѕвезди, Леброн Џејмс и Ентони Дејвис, кои не играа.
Отсутен беше и Расел Вестбрук, па на Езерџиите им се случи голем дебакл. Шрудер беше единствена светла точка кај гостите од Ел-Еј со 30 поени, а кај домаќините во отсуство на Девин Букер блескаше Крис Пол со 28 поени.
Голема битка во Њу Орлеанс биеја Пеликаните и Милвоки бакс, а брилијантна ноќ имаа Јанис Адетокумбо со 42 поени и 10 скока и Јонас Валанчиунас со 37 поени и 18 скока.
На победа од 128:119 се радуваа Јанис и неговите соиграчи од Милвоки.
Демиен Лилард со постигнати вкупно 18.048 поени стана рекордер на Портланд и го мина Клајд Дрекслер на вечната клупска листа, но неговиот тим на драматичен начин загуби од Оклахома сити тандер со 123:121.
Damian Lillard is the @trailblazers all-time leading scorer!
Congrats, @Dame_Lillard! pic.twitter.com/s5B47X3JTQ
— NBA (@NBA) December 20, 2022
Шај Гилџиус-Александер погоди со звукот на сирената за победа на Оклахома со два поени разлика.
SHAI GILGEOUS-ALEXANDER IS HIM DOT COM pic.twitter.com/YBy08lPToO
— Nekias (Nuh-KY-us) Duncan (@NekiasNBA) December 20, 2022
Натурализираниот полски репрезентативец Џереми Сокан одигра солиден меч за Сан Антонио во победата од 124:105 против Хјустон на гости, постигна 12 поени со 7 скока и презентираше како се изведува слободно фрлање со една рака.
Сокан, кој има само 19 години, рутински погоди само со десната рака и шутот изгледа многу интересно.
https://twitter.com/ESPNNBA/status/1605018413792784384?s=20&t=eM45PxBdcLTc85AeLrZ3yg
