Македонија го загуби вториот тест-натпревар во Маврово против Црна Гора со 30:31 за егал ситуација по двата контролни меча пред настапот на Светското првенство во Полска и Шведска.
Овојпат натпреварот беше од затворен карактер, па има малку информации за текот на вториот дуел.
На првиот победивме со 38:33, а и двата меча ќе ни послужат одлично за завршен гланц на формата пред стартот на Мундијалот.
Македонија ќе ги почне натпреварите во Краков против Норвешка на 13 јануари, па два дена подоцна играме со Холандија и на 17 јануари против Аргентина во првата фаза на шампионатот.
