Стоперот на Реал Мадрид, Антонио Рудигер, е мета на потсмев и на сеир на социјалните мрежи, откако невешто сакаше да одглуми пенал на дуелот со Вилјареал.
Жолтата подморница го победи Реал со 2:1 во возбудлив меч, а германскиот репрезентативец во финишот на мечот падна како дух во шестнаесетникот.
Имаше дуел со Дани Парехо, но Рудигер падна како покосен по 10-15 секунди, а околу него во тој момент немаше никој.
Agresión de Parejo a Rüdiger que no ha revisado el VAR. Lo de todos los partidos.pic.twitter.com/32QSDLXoi8
— Lavozgalactica (@Lavozgalactica) January 7, 2023
За да биде глумата уште полоша Рудигер се фати за градите за да одглуми груб фаул за пенал.
Судијата Градо не наседна и не досуди пенал за Реал, што ќе беше втор за Кралскиот клуб на дербито на 16. коло во Ла Лига.
Rüdiger fingiendo penalti, qué vergüenza estoy pasando.pic.twitter.com/BRPGJsuZeB
— Zona Blaugrana (@Zona_Blaugrana) January 7, 2023
Вилјареал со головите на Пино и на Морено од пенал го победи Реал, а почесниот погодок за Кралскиот клуб го даде Бензема исто така од пенал.
