Фудбалската федерација на Украина (УАФ) ја прекина соработката со селекторот Олександр Петраков на малку повеќе од два месеца пред стартот на квалификациите за пласман на Европското првенство 2024 година што ќе се игра во Германија.
УАФ не соопшти која е причината за раскинот на договорот со Петраков, но на сега веќе поранешниот селектор му посака среќа во иднина.
„УАФ ја прекина соработката со селекторот на нашата репрезентација Олександр Петраков. Му посакуваме успех во неговата понатамошна кариерата и нови победи“, соопшти УАФ преку социјалните мрежи.
🤝🇺🇦 UAF and Oleksandr Petrakov: mutual gratitude for work
The Ukrainian Association of Football suspends cooperation with the head coach of the national team of Ukraine Oleksandr Petrakov.
We wish success to the coach in his further career, claiming new victories! pic.twitter.com/rLXIZjdd2w
— Ukrainian Association of Football (@uafukraine) January 12, 2023
Украина игра во групата Ц во квалификациите за ЕП 2024 година, а првиот натпревар ќе се игра на Националната арена „Тодор Проески“ на 16 јуни, додека возвратниот натпревар е закажан за 14 октомври, во претпоследното квалификациско коло.
Покрај Македонија и Украина, во групата Ц се наоѓаат уште и Италија, Англија и Малта.
Македонија квалификациите ги стартува на 23 март во Скопје против Малта, додека Украина на 26 март ѝ гостува на Англија.