Три големи засилувања од вкупно 8 што ги купи Челзи во зимскиот преоден рок играат вечерва за Сините на „Стемфорд Бриџ“ против Фулам, но значаен напредок кај домаќините нема, барем според впечатокот во првото полувреме, кое заврши без голови.
Деби настап има Енцо Фернандес, кој го урна англискиот рекорд со трансфер тежок 121 милиони евра, а во првиот состав се и Михајло Мудрик, кој беше платен 100 милиони евра и Бењоа Бадијашил за кога сопственикот Тод Боели плати 37 милиони евра, или сите тројца заедно со вкупна вредност од 258 милиони евра.
Мудрик и Бадијашил дебитираа претходно за Челзи, а дебитант е само најскапиот играч во историјата на англискиот фудбал, Фернандес.
Челзи ја имаше најубавата шанса во последните моменти од првото полувреме кога Каи Хаверц го лобуваше Лено, но гостите ја исфрлија топката од самата гол-линија.
https://twitter.com/TFT_Morocco/status/1621612083182813186?s=20&t=zrLs2qusDqHkw_xlLtkQDw
Челзи го почна градското дерби на Лондон како десетопласиран тим со 29 бода, а Фулам е седми во Премиер лигата со 31 бод.
