МЗТ Скопје конечно блесна во АБА лигата и успеа да забележи огромна победа во битката за опстанок, а вечерва во „Јане Сандански“ падна фаворитот Цедевита Олимпија.
Предводени од расположените стрелци Кијандре Кук со 26 поени и Војдан Стојановски со 18 домаќините победија со 79:74 што им е трет триумф во 18 натпревари.
МЗТ почна одлично и поведе со 8:2, но гостите направија пресврт и го добија првиот период со 21:19.
Во вториот период домаќините блескаа и направија голема предност од 37:23, но брзаа непотребно во финишот на првото полуврема, па Цедевита Олимпија намали на 41:35.
https://twitter.com/ABA_League/status/1621911932058869760?s=20&t=Y3nkwkwpQxi2sYQ5uWZdDA
Разликата од 3 до 9 разлика скопјани ја одржуваа и во третиот период, а финалето, односно последната четвртина беше возбудлива.
МЗТ ја почна со 7 поени разлика, но гостите брзо успеаа да израмнат на 64:64 како најава за драма.
Сепак кога беше најпотребно домаќините беа на највисоко ниво и во финишот на мечот стасаа до многу значајна победа.
Покрај двајцата најдобри стрелци Кук и Војдан Стојановски кои искомбинираа 41 поен, се истакнаа и Кефи со 14 поени и Абу со 10 поени.
Кај гостите Адамс беше најефикасен со 15 поени.
https://twitter.com/ABA_League/status/1621928201680310274?s=20&t=Y3nkwkwpQxi2sYQ5uWZdDA
Следниот меч за МЗТ Скопје во Јадранската лига е во Бар против Морнар на 10. февруари.
