Навивачите на Бешикташ воодушевија со својот потег на дуелот против Анталијаспор, кога на теренот точно на 4 минути и 17 секунди фрлија илјадници плишни играчки кои треба да бидат подарени на децата кои останаа без своите домови, но и без своите родители по разорниот земјотрес кој се случи на почетокот на февруари во Турција.
Од сите трибини, на теренот беа фрлени многу плишни играчки, а тие слики го обиколија целиот свет. Сепак, веднаш по фрлените играчки, од трибините започна да се скандира против власта во Турција и се бараше оставка на претседателот Ердоган.
https://twitter.com/i/status/1629875005600288769
Ваквиот потег на навивачите од властите во Турција бил оценет како провокација и скандалозен. Делегатите на мечевите Фенербахче – Коњаспор и Бешикташ – Анталијаспор во извештаите напишаа дека однесувањето на навивачите било непристојно и клубовите се соочуваат со санкции.
Најавите се дека двата гиганти од Истанбул во следниот период ќе играат со затворени трибини, односно без присуство на гледачи, а најдрастична мерка би било сите средби до крајот на првенството во Турција да се играат пред празни трибини. Фудбалскиот сојуз на Турција ги повикал претставниците на Здружението на клубовите да разговараат на темата за играње без гледачи до крајот сезоната.
Football fans of #Besiktas throw toys to the pitch in honour of thousands of children killed in the #earthquake, followed by chants calling the govn to resign. Govn’s defacto partner MHP’s leader calls for matches to be played in empty stadiums in response pic.twitter.com/LBmXDU1FW7
— Selin Girit (@selingirit) February 26, 2023
