Фудбалската федерација на Боливија го суспендира судијата кој на еден натпревар даде продолжување од неверојатни 42 минути. Палмафлор со 3:2 го победи Блуминг во натпревар кој траеше неверојатни 132 минути, а погодокот за триумф беше постигнат во 38-мата минута во надополнувањето.
Судијата Хулио Гутиерез во објаснувањето по мечот потенцира дека многу време загубил по долгото прегледување на ВАР-ситуацијата при еден од погодоците, потоа дека имало и тепачка меѓу играчите, па затоа решил да има толку долго продолжување.
Точно е дека во 82-рата минута поради гледање на ВАР-снимката, дуелот беше во прекин 17 минути, но останатите 25 минути на продолжение е претерано многу, па затоа сите шестмина судии на овој дуел се суспендирани од Фудбалската федерација на Боливија.
Домаќините водеа со 2:0 во 82-рата минута, а потоа Палмафлор погоди за 1:2 во 86-тата и израмни на 2:2 во 90+24 минута, па целосен пресврт се случи со погодокот во 90+38 минута.
Bolivian league game Palmaflor vs Blooming today morning had 43 minutes of additional time and the winning goal was scored in the 38th minute of added time (90+38′). The game had 2 red cards, 2 penalties and a VAR decision that took 17 minutes. pic.twitter.com/oSTw7QGvlG
— EPLSL (@EPLSL) March 14, 2023