Филаделфија и Денвер забележаа победи против Бостон, односно Феникс и се на чекор од пласман во конференциските финалиња.
Севентисиксерс од Филаделфија го изненадија Бостон на гостински терен и го победија со 103-115, пред сè поради одличните партии на Ембид и Макси, кои уфрлија 33, односно 30. Гостите во текот на целиот натпревар имаа водство, а ја загубија само последната четвртина. Татум беше најефикасен на натпреварот со 36 поени.
Денвер ја забележа третата победа во серијата против Феникс откако забележа победа од 118-102 на домашен терен. Домашните го добија првиот период со 11 поени разлика, но гостите вратија во вториот со осум. Победникот беше решен во третата четвртина, која им припадна на кошаркарите на Денвер со 39-25.
Никола Јокиќ беше најефикасен на мечот со 29 поени.
