Српскиот кошаркарски репрезентативец и член на Денвер нагетс, Никола Јокиќ, сруши рекорд стар 50 години во НБА-лигата, за кој сите мислеа дека ќе остане вечен. Тој на дуелот против Феникс со 29 поени, 13 скока и 12 асистенции дојде до 10-тиот трипл-дабл во плејофот, со што го сруши рекордот на Вилт Чемберлејн од пред половина век.
Јокиќ во серијата против Феникс, во пет натпревари постигна 175 поени и има 69 скока и 50 асистенции, резултат кој досега никој не постигнал во историјата на НБА-лигата.
