Еспањол и Атлетико Мадрид одиграа спектакуларно реми кое заврши 3-3. Сепак, од каталонската екипа не можат да се помират со фактот дека не успеаја да победат, иако се вратија од негатива од 0-3.
Според Еспањол, спорен е погодокот за 0-2 на Јорганџиите, кој беше дело на Антоан Гриезман бидејќи топката не ја минала гол-линијата. Во Шпанија нема гол-технологија, па одлуките се носат само според снимките од ВАР-камерите.
Од клубот од Барселона тврдат дека ниту една снимка не потврдува дека топката со целиот обем ја минала гол-линијата. Токму поради ова, од раководството на Еспањол бараат од Ла Лига да го поништи натпреварот и тој да се преигра.
⚽: El equipo Espanyol del mexicano César Montes pedirá anular el juego frente al Atlético de Madrid debido a que consideran que el resultado estaría adulterado por el gol concedido a Antoine Griezmann, sin que exista una imagen totalmente clarificadora donde se vea que el… pic.twitter.com/kPmDQbAZFo
— José Juan Vázquez (@josejuangelmx) May 26, 2023
Еспањол во моментов е претпоследен на табелата во шпанската Примера со минимални шанси за опстанок на две кола до крајот од првенството.
