Феникс санс неодамна го испрати Крис Пол во Вашингтон визардс, но јасно беше дека искусниот бек нема да се задржи долго кај Волшебниците. Искусниот Пол во следната сезона ќе игра за Голден стејт вориорс и заедно со Стеф Кари, Клеј Томпсон и најверојатно Дрејмонд Грин ќе атакува на титулата во НБА-лигата.
Според американските медиуми, Голден стејт во Вашингтон го испраќа Џордан Пол, но и неколку следни пика на драфтот. Со доаѓањето на Пол во Голден стејт, овој тим станува „старечки дом“, но искусните кошаркари доколку бидат здрави во текот на целата сезона, може да бидат и конкуренти за титулата.
