Поранешниот холандски фудбалер, Патрик Клајверт е импресиониран од младиот германски фудбалер, Џамал Мусијала кој настапува за Баерн Минхен.
Клајверт смета дека фудбалерот на Баерн Минхен, наскоро ќе им се приклучи на Ерлинг Халанд, Килијан Мбапе и Винисиус Жуниор во трката за Златната топка.
„Халанд, Мбапе и Винисиус се фантастични фудбалери и сигурно е дека некој ќе ја освои Златната топка, ако не и сите тројца. Тие уште сега ги диктираат трендовите во европскиот фудбал и во своите репрезентации. Тие се претставници на новата генерација, а наскоро ќе им се приклучи уште еден играч. За мене Џамал Мусијала е фантастичен фудбалер, навистина сакам да го гледам и тоа како се снаоѓа со тешки моменти. Иако е млад, тој е фантастичен и треба да се внимава на него следната сезона“, изјави Клајверт.
